大家好，我哋係保良局百周年李兆忠紀念中學第33屆學生會2號候選內閣Innovator。

本校學生會制度成立多年，歷屆不同學生會為校內同學提供各種活動，令同學嘅中學生涯生色不少。惟參考不少同學之意見，學生會給予不同同學嘅印象僅為「售賣文具」，而且與同學嘅關係亦較為疏遠，更甚者認為學生會候選內閣靠人脈拉票，政策會有所傾斜，所以每年學生會幹事會選舉均受唔少同學杯葛。正因如此，我哋希望一改學生會以往比同學疏遠嘅印象，決定成立候選內閣並實行多項嶄新政策，修改以往部份政策，加強與唔同學會合作，以致增強同學關心周遭事物嘅意識，給予同學更豐富嘅校園生活。
同學對學生會了解不足，所以同學生會關係比較疏遠，可能因為學生會並非經常匯報工作情況。我們將定時匯報工作以保持同同學接觸。我們亦會同不同學會合作，加強同其他學會溝通，了解同學對各種活動嘅興趣。咁樣可以避免學生會被孤立，盲目推廣同學唔感興趣嘅活動。總括而言，我們將會扮演主導嘅角色，主動向各學會作出查詢，以及增加與同學交流嘅機會。                        

 

敝閣的名稱「Innovator」中文意思為「創新者」，正如我們的抱負一樣希望以不同的創新活動吸引同學，改變同學對學生會舊有只經營文具用品的印象。「Innovator」由9個英文字母組成，代表敝閣9位成員。

 

Innovator

I Jacky Lai

N Andrew Chak

N Kevin Wong

O Conner Yim

V Victor Wong

A Judy Chan

T Judy Tsang

O Yuson Luk

R Darren Chu

 

我哋嘅logo由兩個齒輪組成。其中比較大嘅齒輪有9個輪齒，代表我哋Innovator嘅9位成員，設計亦包含住"Innovator"。而比較細嘅齒輪就代表同學，細齒輪同時有6個輪齒，代表六級同學。我哋希望透過各種活動，提供動力比同學投入校園生活，同學嘅參與又會令我哋萌生更多新穎嘅諗法，就好似齒輪之間互相提供動力帶動彼此運作一樣。我地會成為推動各種創新活動嘅一方，帶動同學參與，而同學嘅意見亦係對我哋嘅回饋，令我哋思考政策同活動可以點改善。其實每個人都可以係齒輪，係學校入面嘅一個零件，只係單靠孤身一人難以推動活動運作，要有組織咁團結做事先會成功。我哋亦好需要同學嘅支持，缺乏同學嘅動力，我哋就只係一個單獨嘅齒輪，做任何事都難以成功，所以同學嘅支持對我哋非常重要。